mawaheb-2009


 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 ابتسم .. فأنت في مدينة الخليل .. هع

اذهب الى الأسفل 
كاتب الموضوعرسالة
AsOoOla

avatar

عدد الرسائل : 4
تاريخ التسجيل : 21/01/2009

مُساهمةموضوع: ابتسم .. فأنت في مدينة الخليل .. هع   الأحد مارس 01, 2009 6:30 pm

Very Happy ابتسم فأنت في الخليلVery Happy

كيف تعرف أنك في مدينة الخليل


إذا مشيت بالشارع يوم من الأيام ... وشفت سياره تكسي صفرا من جوا ضو أزرق ... وسي دي معلق على المراي ... وجواتها شب مربي سكسوكه ولابس بنطلون كونز ومعبي السيارة من برا تعليقات وملصقات ... فأنت تسير في شوارع الخليل

إذا كنت واقف على الإشارة ولما تصير صفرا بتسمع سبعين واحد بيزمرو وراك .... فأنت في الخليل

إذا كنت ماشي وعلى بعد 200 متر إشارة خضرا .. وشفت كل السيارات بتتجاوز عنك عن اليمين .. عن الشمال ... مش فارقه .. المهم يلحقوا الإشارة خضرا .... بتكون في الخليل
إذا دخلت أي دائرة حكومية وشفت الموظف قاعد ماد بوزه ومكشر ووجهه فلتبتسم لانك في إحدى الدوائر الحكومية في الخليل

اذا سمعت الحوار التالي
- ألو
- ألو
- مرحبا
- هلا ..
هلا- كيف الحال
- والله الحمد لله ... انت شو أخبارك
- تمام الله يسلمك
- شو فيه ما فيه
- والله صافيه وافيه
.. مين معي
- انت الطالب .
. مين حضرتك
- مش تليفون ابو غازي
- لا يا خوي النمره غلط
- آه ... حقك علي يابه
-ولا يهمك .. كسبنا سماع هالصوت
- يا سيدي الله يحي اصلك .. من وين انت
- انا من الخليل- هادا احنا قرايب
- يا سيدي حياك الله ... مع السلامه
- هلا .. هلا .. الله معك
طبعا اذا سمعت مثل كل هذا الحوار ... والنمره غلط ... فأنت أكيد في الخليل

اذا كنت تتحدث مع شخص عن أسعار الاراضي ... وقالك انه الارض الفلانيه اللي في شارع واد التفاح كانت لجده وكان يزرع فيها بندوره وفقوس .. وباعها بثلاثمية ليره بالستينات ... فأنت اكيد في الخليل

اذا كنت ماشي بالشارع ... وشفت واحد بيجح بخلقتك .. هيك بدون سبب ... لا هو مسلِم .. ولا هو مبتسم لك ... بس بيجح كانك قاتل ابوه .... فانت ماشي في الخليل

اذا رن عليك واحد مش شايفه صار لك عشرطعشر سنه ... وساعه وهو يسلم عليك ويمدح فيك وآخر اشي سألك : بالله وين محول راتبك .... اكيد بتكون بالخليل

اذاكنت قاعد بمكان عام ... وكل اللي حواليك ماسكين موبايلاتهم وسمعت .. ' بالله شغل البلوتوث .. بدي أبعث لك شغله طقع ' ... بتكون بالخليل

اذا سمعت كلمة صافيه وافيه ... وهي لا صافيه ولا وافيه .. بتكون بالخليل

اذا شفت 608 موديل الف وتسعميه وخشبه محمل بندوره والشوفير شاد الحطة على راسه ومش شايف لا شمال ولا يمين .. ويا أرض اشتدي ما عليكي أدي .. بدي أسبق كل التكاسي .. بتكون بالخليل

اذا الدنيا رشت شوية بَرَد ...ووزارة التربية علَقت الدراسه .. والحكومة اعلنت عطلة رسمية بسبب خوفها من الثلج الغادر .. والتلفزيون بث مسرحية العيال كبرت .... معناته انت كمان بالخليل

اذا شفت الجو ..هَه .. برشرش ثلج والناس بتقدر تركض عالخبز والكاز بس ما بتقدر تروح تداوم ... برضه بتكون بالخليل


اذا بيوم من الايام حضرت عرس ... ونزلت الشباب عالدبكه وبلش العرق يزرب وحميت مع أبو فلان وسحب الكلاشنكوف وطررررررر ..بلش طخ عن جنب وطرف وهو برقص وبدبك ... وسقط ثلاث شهداء من جراء القصف العشوائي ..... ابتسم .. انت بتحضر عرس خليلي..

اذا تجوزت .. والناس واقفيتلك عالمسطره بتستنا أسبوع العسل لما يخلص عشان يفيعو عليك ويهجموا هجمة رجل واحد .. وكل واحد فايت يا بجيبلك طقم فناجين قهوه .. يا صينيه ...وبالآخربتحوشلك سبعطعشر طقم قهوه .. واحدعشر صينيه .. بتكون بتمارس واجباتك الاجتماعيه بالخليل ..... ابتسم..

اذا كنت قاعد على مكتبك بوظيفتك .... وكل المراجعين اللي اجوك طلعو يا قرايبك يا نسايبك يا مخاولك وكل واحد الا يسألك بتعرف فلان الفلاني .... هذا ابن عم جدتها لبنت عم مرة أخوي اللزم هاتلك بوسه يا رجل .. اممممموا .. اممممممممممممممموا .. ابتسم .. فانت في الخليل

اذاكنت ماش بسيارتك مستعجل بدك تلحق موعد .. ولا الشارع مليان سيارات عن اليمين والشمال ... امشي ... امشي . امشي ... والسير يالله ماشي ...فجأه بتشوف هالسياره المزينه ... وكلها ورد وشبر.. والعريس النضوه حاط نيوترا وداحل ...ليش السير شبه واقف .. لانه كل واحد من المحترمين اللي بالزفه بده يوقفله خمس دقايق جنب سيارة العروس يصفقلهم شوي وينظر النظره الاخيره او الوداع الاخير للعروسه نيال ابوها ..اذا صار معك مثل هذا الموقف ... مش تبتسم بس ... اضحك واقلب ع ظهرك .. انت بالخليل يا عمي ..

اذا كنت بصلاة الجمعه ... كلك ايمان وخشوع بعد الخطبه المؤثره ...والامام صوته ما شاء الله بيدغدغ القلوب .. وأول ما سلم الامام ..وخلصت الصلاه سمعت :' أحمر يا زر البندوره ..ب بعشره البكسه بعشره'' أصابع البوبو يا خياااااااااااار ... أربعه كيلو ببريزه .. يالله يالله'' عالسكين يا بطييييييييخ ... أحمر أحمر يا يا ابو قرعه 'وطار الخشوع ... وفقع قلبك ... وصحتين وعافيه...ابتسم .... وابتسم .... وخلي طواحينك يبينو ... انت على باب جامع بالخليل على الارجح جامع الحرس

ومع اني خليلية ... وبالرغم من كل اللي بالخليل بنضل نحكيه .... ومن قلوبنا ...


شو حلوه يا بلدي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
wala2

avatar

عدد الرسائل : 86
نقاط التميز : 10
تاريخ التسجيل : 13/01/2009

مُساهمةموضوع: رد: ابتسم .. فأنت في مدينة الخليل .. هع   الإثنين مارس 02, 2009 12:55 pm


هههههههههه
مشكورة على الموضوع .....

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ABOD

avatar

عدد الرسائل : 104
تاريخ التسجيل : 12/01/2009

مُساهمةموضوع: رد: ابتسم .. فأنت في مدينة الخليل .. هع   الإثنين مارس 02, 2009 4:18 pm


مشكوووووورة على الموضوع ....

كل التحية لالك ....

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mahran

avatar

عدد الرسائل : 209
العمر : 23
الاوسمة :
الاعلام :
المزاج :
المهنة :
تاريخ التسجيل : 22/01/2009

مُساهمةموضوع: رد: ابتسم .. فأنت في مدينة الخليل .. هع   الثلاثاء مارس 03, 2009 7:52 pm

Very Happy Very Happy Very Happy Very Happy Very Happy Very Happy Very Happy Very Happy Very Happy
Very Happy Very Happy Very Happy Very Happy Very Happy Very Happy Very Happy
Very Happy Very Happy Very Happy Very Happy Very Happy
Very Happy Very Happy Very Happy
Very Happy
طبعاً لازم نبتسم ....
مشكورة على الموضوع...
تقبلي مروري...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ابتسم .. فأنت في مدينة الخليل .. هع
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
mawaheb-2009 :: الــمــنــتــديــات الــتــرفــيــهــيــة :: تسالي مواهب-
انتقل الى: